Баевікі радыкальнай групоўкі «Ісламская дзяржава» ўзарвалі старажытны храм Бэла ў сірыйскай Пальміры, пабудаваны каля дзвюх тысяч гадоў таму.
Гэта ўжо другі храм у старажытнай Пальміры, разбураны баевікамі ў жніўні.
Як паведамілі ў сірыйскім цэнтры маніторынгу за выкананнем правоў чалавека, у выніку выбуху храм часткова або цалкам разбураны.
Дакладнага пацверджання інфармацыі аб разбурэнні храма пакуль атрымаць не ўдалося. Самі джыхадзісты, звычайна публікуюць фатаграфіі і відэазапісы разбурэнняў, але пакуль не зрабілі гэтага.
Храм Бэла, прысвечаны мясцоваму вярхоўнаму бажаству — адзін з самых значных будынкаў старажытнай Пальміры. Храм, як і многія іншыя пабудовы ў Пальміры, спалучае ў сабе элементы грэка-рымскай і блізкаўсходняй архітэктуры: планіроўка будынка выканана ў стылі блізкаўсходніх храмаў, а фасады - па ўзоры рымскіх і грэчаскіх.