На Данбасе ўчора практычна цалкам захоўваўся рэжым цішыні.
Пра гэта паведамляе прэс-цэнтр штаба Антытэрарыстычнай аперацыі на сваёй старонцы ў Facebook.
З 18:00 і да паўночы баевікі адзін раз адкрывалі бязладны агонь па пазіцыях ўкраінскіх войскаў.
«Так, каля 23-й гадзіны наш апорны пункт у раёне пасёлка Крымскае, што на Луганшчыне, злачынцы абстралялі са стралковай зброі», — гаворыцца ў паведамленні.
Усяго на працягу 1 верасня баевікі 5 разоў парушалі перамір'е.
2 верасня з паўночы і да 6 раніцы таксама зафіксаваны 1 выпадак ужыцця зброі тэрарыстамі. У 00:30 з боку населенага пункта Жабяча па ўкраінскіх пазіцыях у Вопытным злачынцы білі з гранатамёта.
«У цэлым жа, ноч з 1 на 2 верасня ўздоўж усёй лініі размежавання прайшла спакойна», — адзначылі ў штабе.