Следчы камітэт Беларусі размясціў 3 верасня на сваім сайце матэрыял, які растлумачвае, што ўсё ж з'яўляецца распаўсюджваннем парнаграфіі і ў якім выпадку пагражае крымінальная адказнасць.
У ім адзначаецца, што апошнім часам пры расследаванні крымінальных спраў, звязаных з распаўсюджваннем парнаграфіі, следчыя ўсё часцей сутыкаюцца з праблемай, калі асоба, якая прыцягваецца да крымінальнай адказнасці, не лічыць, што пастаўлены ім «лайк» ці дабаўленае сабе на старонку ў сацыяльнай сетцы відэа, якое змяшчае парнаграфічныя матэрыялы, з'яўляецца злачынствам.
«Перадусім трэба разумець, што гэта не толькі перадача ці продаж забароненых да абароту прадметаў, якія змяшчаюць парнаграфічныя матэрыялы. Гэта таксама размяшчэнне і перамяшчэнне інфармацыі, якая ўключае ў сябе матэрыялы парнаграфічнага зместу, пры дапамозе сацыяльных сетак, з тэлефона на тэлефон, — гаворыцца ў паведамленні. — Распаўсюджванне парнаграфіі прадугледжвае перадачу яго хоць бы адной асобе, незалежна ад спосабу (збыт, дарэнне, абмен і інш.). Рэкламаванне гэтых матэрыялаў заключаецца ў выстаўленні такіх прадметаў на ўсеагульны агляд або паведамленне інфармацыі пра іх, у тым ліку праз глабальную камп'ютарную сетку інтэрнэт».
У СК адзначаюць, што, размяшчаючы ў сябе на старонцы ролік, які змяшчае элементы парнаграфіі, карыстальнік спрыяе яго распаўсюджванню, бо відэа знаходзіцца ў свабодным доступе і яго змогуць убачыць усе асобы, што наведваюць яго старонку.
Напрыклад, у канцы ліпеня гэтага года Рагачоўскім раённым аддзелам СК была распачата справа на падставе ч. 2 арт. 343 КК у дачыненні да маладога чалавека 1986 года нараджэння, які ў лістападзе 2014 года, знаходзячыся ў адной з сацыяльных сетак, дадаў да сябе на старонку відэазапіс. Прагледзеўшы яго праз некаторы час і пераканаўшыся ў тым, што ён парнаграфічнага зместу, мер да абмежавання доступу да яе не прыняў, пакінуўшы ў сябе на старонцы, у сувязі з чым усе карыстальнікі гэтай сацыяльнай сеткі маглі яе праглядаць.
Акрамя таго, нядаўна ў СМІ фігуравала інфармацыя аб тым, што ў дачыненні да маладой дзяўчыны з Гомеля УСК па Гомельскай вобласці была распачата крымінальная справа за нібыта нявінны каментарый, пакінуты пасля прагляду парнаграфіі ў сацыяльнай сетцы «УКантакце». Гэты каментарый быў пакінуты ёю пасля таго, як папярэдне яна дадала відэа да сябе на старонку. «А сістэма сацыяльных сетак выбудавана такім чынам, што пэўныя вашы дзеянні, у тым ліку дададзенае відэа, лайкі, каментарыі, змогуць убачыць у вашай стужцы навін вашы сябры і падпісанты», — канстатуюць у СК.
Таксама прыкладамі, якія часта сустракаюцца, з'яўляюцца размяшчэнне home video у інтэрнэце ці перадача яго трэцяй асобе праз месенджара.
У следчай практыцы таксама сустракаюцца выпадкі, калі адбываецца ўзлом акаўнта карыстальніка сацыяльнай сеткі і размяшчэнне на яго старонцы матэрыялаў парнаграфічнага зместу. У гэтым выпадку прыцягненню да крымінальнай адказнасці ў адпаведнасці з дзейным заканадаўствам падлягае асоба, якая ўзламала старонку і размясціла на ім відэа.
З 2013 года ў краіне назіраецца рост колькасці злачынстваў у сферы распаўсюджвання парнаграфіі. Так, у 2013 годзе было распачата 278 крымінальных спраў, у 2014-м — 397, а за восем месяцаў 2015 года ўжо 404 крымінальныя справы.
