Увечары 4 верасня адбылося ДТЗ у Жлобінскім раёне: каля вёскі Беліца аўтамабіль «Лянча» ўрэзаўся ў грузавік.
Як паведамляе Гомельскае абласное ўпраўленне МНС, адбылося лабавое сутыкненне грузавога аўтамабіля «Івека» і лёгкага «Лянча». У салоне легкавога аўтамабіля была заблакаваная жанчына, без прыкмет жыцця. Работнікамі МНС з ужываннем гідраўлічнага інструмента загінулая была дэблакавана.
Аўтамабіль «Івека» не рухаўся, стаяў на абочыне, кіроўца знаходзіўся пад аўтамабілем — праводзіў рамонтныя работы, не пацярпеў.
У салоне легкавога аўтамабіля знаходзіліся тры чалавекі: кіроўца 1976 года нараджэння, дзяўчынка 4-5 гадоў і загінулая. Кіроўца і дзяўчынка знаходзяцца ў аддзяленні рэанімацыі.
0
0
0
0
0
0
