«Будзеш яшчэ бунт чыніць супраць гаспадара нашага?»
Падчас святкавання Дня Масквы на вуліцы Цвярской разыгралі вулічную сцэнку пакарання нацыянал-здрадніка, распавёў на сваёй старонцы на Facebook крымскі журналіст Айдэр Муждабаеў.
«Людзі ў касцюмах XIX стагоддзя скруцілі, звязалі вяроўкамі і пацягнулі праз натоўп да плахі з сякерай чалавека, таксама акцёра, прыгаворваючы: «Будзеш яшчэ бунт чыніць супраць гаспадара нашага?» У выніку з нацыянал-здраднікам абышліся гуманна. Пад ўхваляльныя погляды і пстрычкі фотаапаратаў сучасных масквічоў яму наладзілі паказальную лупцоўку»,
— піша Муждабаеў.
Мяркуючы па іншым фота, у ролі здрадніка дазволілі выступіць і выпадковым мінакам, не апранутым у гістарычныя строі.
Арганізатары пастаноўкі невядомыя, як і тое, «удзельніка» якога з паўстанняў «лупцавалі».
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары