Кіраўнік Следчага камітэта РФ Аляксандр Бастрыкін заявіў, што прэм'ер Украіны Арсеній Яцанюк ваяваў у Чачні супраць Расіі.
Паводле яго слоў, у расійскіх следчых у сувязі з вайной у Чачні 1994—1995 гадоў ёсць пытанні да ўкраінцаў Дзмітрыя Карчынскага, Ігара Мазура, Валерыя Бабровіча з УНА-УНСА, лідара «Правага сектара» Дзмітрыя Яраша, лідара «Свабоды» Алега Цягнібока і яго брата Андрэя.
«Следствам таксама ўстаноўлена, што ў гэтыя ж гады разам з імі ў складзе карнага атрада «Арго», а затым «Вікінг», якім кіраваў Аляксандр Музычка, супраць расійскіх вайскоўцаў ваяваў Арсень Яцанюк», — заявіў Бастрыкін.
«Па дадзеных следства, Яцанюк браў удзел як мінімум у двух узброеных сутыкненнях, якія адбываліся 31 снежня 1994 на плошчы «Мінутка» ў горадзе Грозны і ў лютым 1995 года ў раёне гарадской бальніцы №9 горада Грозны, а таксама ў катаваннях і расстрэлах палонных», — дадаў ён.
Акрамя таго, Бастрыкін запэўнівае, што Яцанюк у снежні 1995 года быў узнагароджаны найвышэйшай узнагародай Джахара Дудаева «Гонар нацыі».
Паводле афіцыйнай біяграфіі Арсенія Яцанюка, ён нарадзіўся ў 1974 г. а ў 1995 годзе яшчэ вучыўся на юрыдычным факультэце Чарнавіцкага ўніверсітэта.
Ва ўрадзе Украіны назвалі прапагандысцкай заяву Следчага камітэта Расіі. Пра гэта напісала ў фэйсбуку ў аўторак, 8 верасня, прэс-сакратар прэм'ер-міністра Вольга Лапо.
«Мы раім расійскаму рэжыму правесці псіхіятрычную экспертызу кіраўніка Следчага камітэта Бастрыкіна», — адзначыла яна.
Лапо нагадала, што кіраўнік СК «цынічна асудзіў Надзею Саўчанка, Алега Сянцова ды іншых украінскіх патрыётаў».
Амерыканцы дабіліся вызвалення Юрыя Зянковіча. Ён быў прысуджаны да 11 гадоў зняволення18
Каментары