На праспекце Дзяржынскага, 11 (станцыя метро «Грушаўка») 8 верасня адбылося адкрыццё мастацкай галерэі, цалкам прысвечанай катам.
У ёй можна ўбачыць карціны, фота, творы дэкаратыўна-прыкладнога мастацтва з выявай катоў, некаторыя з іх можна набыць. Атрыманыя сродкі пойдуць не толькі на патрэбы галерэі, але і на дабрачыннасць.
Наведнікаў сустракаюць і самі аб'екты мастацкага асэнсавання.
Цяпер іх двое: дырэктар Джымі, вялізны пухнаты скоціш фолд, і яго намеснік — шэры паласаты Цімоша. Апошняга забралі з «ператрымкі» — пастаяннага дома ў яго не было. Абодва ласкавыя і прыязныя.
Аўтар ідэі і куратар праекта — Ала Наварская, якая раней займалася арганізацыяй выстаў «Сакавіцкія каты». Таму знайсці дастатковую колькасць мастацкіх твораў было няцяжка.
Як паведаміла адміністратар Эвеліна, выставы плануецца мяняць, дадаваць новыя творы і пашыраць асартымент.
Таксама з'явяцца тры новыя коцікі, якія будуць «працаваць у дзве змены» — па чатыры гадзіны.
Пакуль трэцяя котка Мілка не вытрымала нагрузкі, яе забралі дахаты на адпачынак.
Дырэктар Джымі пазіруе
Цімоша больш актыўны і свойскі.
Цімоша больш актыўны і свойскі
Цімоша больш актыўны і свойскі
Палічкі з творамі, якія можна набыць. Кошт фота і карцін ад 40 да 150 тыс
Палічкі з творамі, якія можна набыць. Кошт фота і карцін ад 40 да 150 тыс.
Наведнікі ахвотна фатаграфуюцца з катамі.