Лаўка-прышчэпка на «Арт-астравах». Фота: Сяргей Гудзілін, «Наша Ніва»
Арт-аб’ект «Прышчэпка» пераехаў з Камсамольскага возера ў гандлёвы цэнтр «Замак» на праспекце Пераможцаў і пачаў раздаваць Wi-Fi, паведамляе «Альфа-Банк».
Лаўка бясплатная, як і інтэрнэт ад яе. Але каб атрымаць доступ да інтэрнэту, трэба ўвесці код доступу, які прышлюць праз SMS. Код шматразовы, потым ім можна будзе скарыстацца зноў.
У хуткім часе будзе ўсталяваная яшчэ адна аналагічная лаўка, але ўжо на вольным паветры. Магчыма, у будучыні праект «Альфа-Банка» разрасцецца да сеткі бясплатных Wi-Fi-лавак.
***
Практычна ўся Беларусь пакрытая платным Wi-Fi-сецівам «Белтэлекама». Арганізацыя бясплатных вулічных Wi-Fi-сетак стала праблематычнай пасля «ўказа 60», што ўвёў патрабаванне аб абавязковай ідэнтыфікацыі карыстальнікаў.
