ФК БАТЭ афіцыйна паведамляе, што ўсе білетныя пакеты на хатнія матчы ў групавым раўндзе Лігі чэмпіёнаў, што паступілі ў продаж, распрададзеныя.
Тым не менш у тых, хто не паспеў забраніраваць сабе месца на восеньскія гульні дружыны Аляксандра Ермаковіча з італьянскай «Ромай», іспанскай «Барселонай» і нямецкім «Баерам»,
яшчэ можа з'явіцца шанец купіць адзінкавыя квіткі.
Калі ад часткі сваёй квоты адмовіцца УЕФА або клуб-супернік, тады незапатрабаваныя квіткі на канкрэтны паядынак паступяць у продаж, паведамляе сайт клуба.
Продаж пакетаў (квіткі на тры гульні адразу) пачаўся 9 верасня, але тады яны прадаваліся ўладальнікам сезонных абанементаў.
Сёння а 15-й меўся пачацца продаж пакетных білетаў усім ахвотным.
БАТЭ ў групавым раўндзе ЛЧ стартуе у сераду, 16 верасня, гасцявым матчам з «Баерам». 29 верасня — матч з «Ромай» у Барысаве.
