Сёння, 23 верасня, Згуртаванне беларусаў свету «Бацькаўшчына» і выдавецтва «Лімарыус» запрашаюць на прэзентацыю кнігі доктара Янкі Запрудніка «Па гарачых слядах мінуўшчыны».
Калі вы хочаце ведаць:
— чым жылі і пра што пісалі ў лістах маладыя беларусы больш як паўстагоддзя таму,
— як навучаліся ў Лювенскім універсітэце ў Бельгіі,
— з чаго пачыналася Беларуская рэдакцыя Радыё Свабода,
- як выдавалася найбуйнейшая беларуская газета на Захадзе,
— як ладзіліся беларускія канцэрты ў Мюнхене ў 1950-х,
— чым адрознівалася жыццё ў Амерыцы ад жыцця ў Заходняй Еўропе.
Згуртаванне беларусаў свету «Бацькаўшчына» і выдавецтва «Лімарыус» запрашаюць вас пачуць адказы падчас прэзентацыі кнігі амерыканскага беларуса, доктара Янкі Запрудніка «Па гарачых слядах мінуўшчыны: Мае лісты 1952—1959».
На вашыя пытанні адкажуць: рэдактар кнігі Валянціна Трыгубовіч, даследчыца Наталля Гардзіенка і прадстаўнікі выдавецтва «Лімарыус» ды Згуртавання беларусаў свету «Бацькаўшчына».
Месца спаткання: 23 верасня а 18.00 у кнігарні «логвінаЎ» (Мінск, пр-т Незалежнасці, 37а).
