Парламент Венгрыі ўхваліў закон, які дазваляе ўраду выкарыстоўваць армію для ўрэгулявання крызісу з мігрантамі.
Вайскоўцы змогуць прымяняць несмяротную зброю, у тым ліку гумовыя кулі, слёзатачывы газ і сеткі.
Паводле новага закона, армія атрымлівае права прымаць удзел у патруляванні мяжы.
Раней парламент Венгрыі зрабіў значна больш жорсткім міграцыйнае заканадаўства і ўвёў за нелегальнае пранікненне на тэрыторыю краіны пакаранне ў выглядзе турэмнага зняволення.
Каб спыніць некантралюемы паток мігрантаў, Венгрыя ўжо перакрыла металічным плотам з калючым дротам мяжу з Сербіяй і пачала будаваць аналагічную сцяну на мяжы з Харватыяй.
Паводле самых кансерватыўных ацэнак, за гэты год праз тэрыторыю Венгрыі прайшлі ўжо больш за 200 тысяч уцекачоў, якія імкнуцца трапіць у эканамічна развітыя краіны Еўрасаюза, у першую чаргу ў Германію.
