Я раней не разумеў, у чым небяспека расійскіх каналаў, якія рэтранслюе наша Белдзяржтэлерадыёкампанія. Ну, ідуць сабе ды ідуць. Хто яшчэ тры гады таму мог меркаваць, што побач з намі Расія развяжа вайну. Пасля падзей ва Украіне ўсё стала ясна.
Чалавек глядзіць расійскае тэлебачанне, серыялы, навіны, і з часам для яго гэта робіцца нормай. Прапаганда — гэта яшчэ паўбяды. «Мастацкія» серыялы пра мянтоў, войска, побыт нашых суседзяў намнога небяспечнейшыя. Бо яны ментальна рыхтуюць наш народ да паглынання.
Калі — не дай Божа — Крамлю спатрэбіцца чарговае «маленькае пераможнае ўз’яднанне», нашы людзі, ускормленыя расейскімі тэлеканаламі, проста не адчуюць розніцы.
Інфармацыйную прастору трэба бараніць — без яе няма нацыі і дзяржавы.
0
0
0
0
0
0
