25 верасня 2015 года а 18-й гадзіне ў Літаратурным музеі Петруся Броўкі стартуе новы амбіцыйны праект «TEXTURA ў музеі Петруся Броўкі».
У мінулым сезоне наш музей адчыніў дзверы для беларускіх пісьменнікаў і іх чытачоў у праекце «Літаратурная серада ў музеі Петруся Броўкі». Разам з парталам Textura.by мы знаёмілі наведвальнікаў з беларускімі і замежнымі аўтарамі. На «Літаратурнай серадзе ў музеі Петруся Броўкі» прачыталі свае творы каля 40 пісьменнікаў і паэтаў з розных гарадоў і краін.
Мы вырашылі пайсці далей і вывучыць, адкуль аўтары чэрпаюць сілы для стварэння сваіх мастацкіх твораў. І, зразумела, ніхто не зможа нам так дапамагчы ў разгадцы гэтай грандыёзнай таямніцы, як самі аўтары.
На вечары «Свае Чужыя», выступяць пяць паэтаў: Андрэй Хадановіч, Віктар Жыбуль, Алесь Емяльянаў-Шыловіч, Ірына Карэніна, Таццяна «Асоль» Светашова. Кожны з іх прачытае любімыя вершы калег па цэху і патлумачыць свой выбар.
Акрамя сяброўскай літаратурнай кампаніі, на «TEXTURA ў музеі Петруся Броўкі»Вас чакаюць традыцыйныя конкурсы, дзе будуць разыграны рэдкія і захапляльныя кнігі, кожны наведвальнік атрымае падарунак.
Уваход у музей – 15000 бел. рублёў.
Адрас: г. Мінск, вул. К. Маркса, 30, Літаратурны музей Петруся Броўкі.
Кантактны тэлефон: (017) 226-09-81, (017) 327-27-50.
