Партызанскім раённым аддзелам Следчага камітэта распачата крымінальная справа за крадзеж у дачыненні да 14-гадовага школьніка.
Як паведамляе ГУУС Мінгарвыканкама, вучань 9-га класа адной са сталічных школ пасля заняткаў быў запрошаны да намесніка дырэктара на прафілактычную гутарку. Падчас гутаркі педагог ненадоўга адлучылася з кабінета. У гэты момант вучань з яе сумачкі, якая ляжала на стале, скраў грошы. Агульная сума выкрадзенага склала прыкладна 3 млн рублёў. Грошы школьнік выдаткаваў на ўласныя патрэбы.
Падчас расследавання высветлілася, што падлетак раней неаднаразова трапляў у поле зроку супрацоўнікаў міліцыі, але з-за ўзросту да адказнасці не прыцягваўся.
Цяпер у дачыненні да школьніка распачата справа на падставе артыкула 205 КК (крадзеж). Яму пагражае пазбаўленне волі на тэрмін да трох гадоў.
