 |
Нагадаем, што інфармацыя пра магчымы продаж паліграфкамбіната імя Я.Коласа расейцам зьявілася ў студзені бягучага году. Першапачаткова гендырэктар паліграфкамбіната Валерый Германаў казаў пра продаж расейцам кантрольнага пакету акцыяў.
Паліграфічны камбінат імя Я.Коласа заснаваны ў Менску ў 1956 годзе. Прадпрыемства спэцыялізуецца на выпуску кніжнай прадукцыі. Цяпер выпускае ў год да 2.700 найменьняў кніг і брашур агульным накладам больш за 30 млн. асобнікаў. Акцыянаваньне адбылося ў 2003 годзе. Доля дзяржавы ў статутным фондзе — 94,8%. Гэта адзінае паліграфічнае прадпрыемства ў Беларусі, якое ў 2002 годзе атрымала сэртыфікат адпаведнасьці патрабаваньням СТБ ІСО 9002‑96. Кампанія «АСТ» разьмяшчае на паліграфкамбінаце больш як 80% замоваў, што забясьпечвае працай 800 чалавек.
