Аляксандр Лукашэнка 26-29 верасня зробіць рабочы візіт у Злучаныя Штаты Амерыкі (г. Нью-Ёрк), паведамляе прэс-служба кіраўніка дзяржавы.
Ён прыме ўдзел у мерапрыемствах саміту ААН па ўстойлівым развіцці, па выніках якога будзе прыняты міжнародны парадак дня ў галіне развіцця на перыяд пасля 2015 года. Аляксандр Лукашэнка выступіць на пленарным пасяджэнні саміту з выкладаннем нацыянальнай пазіцыі Рэспублікі Беларусь у гэтай сферы.
Кіраўнік дзяржавы таксама зробіць выступ у рамках агульнапалітычнай дыскусіі на юбілейнай, 70-й сесіі Генеральнай асамблеі ААН, дзе прадставіць падыходы Беларусі да вырашэння найбольш актуальных і вострых міжнародных праблем сучаснасці.
Графікам знаходжання ў ЗША прадугледжаны цэлы шэраг двухбаковых сустрэч з лідарамі іншых дзяржаў свету, а таксама з Генеральным сакратаром ААН Пан Гі Мунам і Вярхоўным камісарам ААН па правах чалавека Зэйдам Раад аль Хусэйнам.
