sk.gov.by
37-гадовы кіроўца «Пежо» ехаў па вуліцы Савецкай у вёсцы Заходы ў кірунку вёскі Восаў. Пры сустрэчным раз'ездзе ён збіў 35-гадовую веласіпедыстку, сваю жонку. Ад атрыманых траўмаў жанчына памерла на месцы аварыі.
Паводле папярэдняй інфармацыі, кіроўца і веласіпедыстка ехалі па цэнтры праезнай часткі. Мужчына быў у стане алкагольнага ап'янення.
Раней ён неаднаразова пазбаўляўся права кіравання транспартнымі сродкамі за нецвярозую язду. У дачыненні да 37-гадовага кіроўцы заведзена крымінальная справа па ч.2 арт.317 (парушэнне правілаў дарожнага руху, што пацягнула па неасцярожнасці смерць чалавека) Крымінальнага кодэкса Рэспублікі Беларусь. Падазраваны змешчаны ў ізалятар часова ўтрымання, паведамляе прэс-служба Следчага камітэта.
У сваю чаргу, ровар быў абсталяваны святлоадбіўнымі элементамі, вулічнае асвятленне працавала, адзначылі ў ДАІ Гомельскай вобласці.