president.gov.by
Завяршыўся візіт Аляксандра Лукашэнкі ў Нью-Ёрк.
Кіраўнік дзяржавы прыняў удзел у мерапрыемствах саміту ААН па ўстойлівым развіцці. Аляксандр Лукашэнка выступіў на пленарным пасяджэнні, дзе выклаў нацыянальную пазіцыю Беларусі па міжнародным парадку дня ў галіне развіцця на перыяд пасля 2015 года, паведамляе БелТА.
Кіраўнік дзяржавы выступіў таксама ў агульнай дыскусіі на юбілейнай, 70-й сесіі Генеральнай асамблеі ААН. Падчас свайго знаходжання ў Нью-Ёрку ў будынку Генеральнай асамблеі ААН падпісаў Канвенцыю аб правах інвалідаў. Акрамя таго, Аляксандр Лукашэнка правёў шэраг двухбаковых сустрэч з лідэрамі іншых дзяржаў, а таксама з Генеральным сакратаром ААН Пан Гі Мунам, Вярхоўным камісарам ААН па правах чалавека Зейдам Раад аль-Хусэйнам.