Экс-кандыдат і былы палітвязень Мікалай Статкевіч аштрафаваны судом Цэнтральнага раёна Мінска на 50 базавых велічыняў (9 млн рублёў). Статкевіч аштрафаваны за «сустрэчу з народам», што прайшла 23 верасня на плошчы Свабоды ў Мінску і сабрала каля 500 чалавек.
Сам палітык у суд не з'явіўся, заявіўшы, што позва аформлена неналежным чынам.
Нагадаем, што за сустрэчу з выбарцамі, што прайшла каля ГУМа 10 верасня ён атрымаў штраф у 7,2 млн рублёў.
Анатоль Лябедзька, якога судзяць за гэты сход, у іншым кабінеце, пракаментаваў так: «Пасля 4 кастрычніка будуць усіх закрываць».
Сам Анатоль Лябедзька атрымаў два штрафы: за пікет 16 верасня — 5,4 млн рублёў, за акцыю 23 верасня — 1,8 млн. Уладзімір Някляеў атрымаў 3,6 млн рублёў штрафу.
Някляеў таксама на суд не з'явіўся.
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі26
Каментары