У Ваўкавыску мэтадам падрыву зьнесьлі 20‑мэтровую ваданапорную вежу.
Гэтым быў пакладзены пачатак цэлай праграме ліквідацыі безгаспадарчых пабудоў у Гарадзенскай вобласьці.
Павал Паканечны, начальнік Ваўкавыскага аддзелу па НС:
«Літаральна ў 10 мэтрах ад вежы праходзіць нітка газаправоду. Пры няправільанай арганізацыі працы маглі быць пашкоджаньні. Выбух рабілі ў дакладна скіраваны бок ад газаправоду».
Ратавальнікі з выбухоўкай у асаблівай пашане. Безгаспадарных пабудоў у краіне сёньня некалькі тысяч, а падразьдзяленьне толькі адно. Выгаднасьць прадпрыемства замоўцы адчулі адразу ж. Разбор закінутага будынку пры дапамозе спэцтэхнікі каштуе столькі сама, як і будаўніцтва новага дому. Падрыў жа старой будыніны гарадзкім уладам абышоўся на 80% таньней.