Два супрацоўнікі Дзяржаўтаінспекцыі атрымалі траўмы падчас пераследу нецвярозага кіроўцу на Мінскай кальцавой аўтадарозе на ўсходняй ускраіне горада вечарам 11 кастрычніка.
Як паведамілі ў аддзеле ДАІ Заводскага раёна сталіцы, супрацоўнікі міліцыі праследавалі мікрааўтобус «Мерседэс-Віта», які рухаўся са шматлікімі парушэннямі. Кіроўца спрабаваў уцячы ад пераследнікаў і па ўнутраным, і па знешнім кальцы МКАД. Ён быў затрыманы, калі мікрааўтобус павіс на дрэвах у лесапаласе на вуліцы Ілімскай — кіроўца не здолеў праехаць паміж імі.
Падчас пагоні парушальнік пашкодзіў службовы аўтамабіль ДАІ.
Адзін з супрацоўнікаў Дзяржаўтаінспекцыі пацярпеў, калі кіроўца мікрааўтобуса даваў назад, спрабуючы ўцячы ад ДАІ.
0
0
0
0
0
0
