Мабільны аператар velcom 15 кастрычніка запусціў універсальную фінансавую праграму v-banking, якая дазваляе аб'яднаць у адзін акаўнт аперацыі з усімі сваімі банкаўскімі картамі і кіраваць імі з уласнага смартфона.
Як паведамілі ў кампаніі velcom, цяпер бясплатная праграма v-banking даступная для Android-карыстальнікаў, а скарыстацца ёй могуць трымальнікі карт міжнародных плацежных сістэм VISA і Master Card усіх банкаў Беларусі.
Мабільная праграма даступная для абанентаў розных мабільных аператараў. Пры яе дапамозе яны змогуць ажыццяўляць пераводы грошай з карты на карту карыстальніка v-banking, выкарыстоўваючы нумары тэлефона з запісной кніжкі; на банкаўскія карткі незалежна ад таго, які банк іх выпусціў і з карты якога банка ажыццяўляецца перавод.
Акрамя гэтага, ёсць магчымасць аплачваць розныя паслугі/тавары ў сістэме ЕРІП; выконваць аперацыі па любой з карт, уключанай у акаўнт, у тым месцы і ў той час, калі гэта зручна.
