Канцлер Германіі Ангела Меркель знаходзіцца ў Турцыі, каб абмеркаваць крызіс з мігрантамі з кіраўніцтвам краіны. Большая частка мігрантаў прыбывае ў Еўропу з Турцыі.
Еўрасаюз прапануе Турцыі фінансавую дапамогу і паслабленне абмежаванняў для перамяшчэння яе грамадзян у краінах Шэнгенскай зоны.
Паводле звестак карэспандэнта Бі-бі-сі ў Берліне, Меркель аказалася ў складанай сітуацыі. Раней яна выступала рэзка супраць уступлення Турцыі ў ЕС, але цяпер ёй неабходная дапамога Анкары.
Турцыя, у сваю чаргу, хоча выкарыстаць сітуацыю з вырашэннем крызісу з максімальнай выгадай. У краіне, як мяркуецца, знаходзяцца каля 2 млн бежанцаў з Сірыі.
0
0
0
0
0
0
