5000 тон спецыяльнай чыпсавай бульбы сабралі ў 21 сельгаспрадпрыемстве Беларусі на замову кампаніі «Анега».
Для чыпсаў з сырой бульбы патрэбныя асаблівыя гатункі: важныя правільная форма, сярэдні памер і, галоўнае, мінімальнае ўтрыманне цукру (не больш за 0,25%). Інакш прадукт цямнее пры тэрмічнай апрацоўцы.
Раней з беларускай бульбы рабілі толькі чыпсы пласцінкамі. «Анега» вырашыла асвоіць і класічны фармат — такія як у «Lay’s».
Пад новы прадукт прыдумалі і новую абгортку. Але памыліліся са словам. Напісалі «Смятана з лукам» замест «Смятана з цыбуляй». Толькі пасля таго, як у інтэрнэце паднялі на смех, тэкст выправілі, і ў крамы пойдзе правільны варыянт.
0
0
0
0
0
0
