Беларусь разглядае магчымасць набыцця ў Расіі знішчальнікаў Су-30СМ, паведаміў журналістам 20 кастрычніка камандуючы ВПС і войскамі СПА Узброеных сіл генерал-маёр Алег Двігалеў.
Паводле яго слоў, гэтыя самалёты павінны прыйсці на змену «састарэлым» МіГ-29. Закупкі новых расійскіх знішчальнікаў плануюцца пасля 2020 года.
Сёння Двігалеў удзельнічаў у сустрэчы кіраўніцтва беларускага ДТСААФ з прадстаўнікамі кіраўніцтва расійскай карпарацыі «Іркут», якая выпускае Су-30СМ.
На сустрэчы камандуючы расказаў, што на выставе МАКС-2015 у падмаскоўным Жукоўскім беларускі ваенны лётчык, начальнік штаба 61-й знішчальнай авіябазы ў Баранавічах апрабаваў новы самалёт, правёўшы ў паветры 40 хвілін. «У яго вельмі добрыя водгукі пра гэту машыну», — адзначыў Двігалеў.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве10
Каментары