У Лунінецкім раёне 22 кастрычніка ў ДТЗ пацярпеў трактарыст.
Як паведамілі у аддзяленні па агітацыі і прапагандзе ДАІ УУС Брэсцкага аблвыканкама, аварыя здарылася ў 11.05 на дарозе паміж вёскамі Дварэц і Вічын. Паварочваючы налева, 23-гадовы кіроўца «МТЗ 952» з прычэпам, гружаным пяском, не выбраў бяспечную хуткасць руху, і трактар перакуліўся.
Трактарыст атрымаў закрытую чэрапна-мазгавую траўму, страсенне галаўнога мозгу, пералом пляча і змешчаны ў хірургічнае аддзяленне Лунінецкай цэнтральнай раённай бальніцы.
Трактар належыць адной з дарожных арганізацый рэгіёну.
Праводзіцца праверка. У трактарыста ўзятая кроў для даследавання на ўтрыманне алкаголю.
0
0
0
0
0
0
