Расійскі тэлесерыял «Брыгада» і яшчэ некалькі папулярных фільмаў і серыялаў забароненыя да паказу ва Украіне, паведамляе Дзяржаўнае агенцтва Украіны па пытаннях кіно.
На думку кіраўніка Дзяржкіно Піліпа Ілленкі, фільм пра расійскіх крымінальных аўтарытэтаў 1990-х гадоў нясе ў свядомасць мас «расейскую прапаганду і ідэалогію».
Пад забарону таксама патрапіў серыял «Вуліцы разбітых ліхтароў-5», фільмы «Мы з будучыні» і «Канвой PQ-17».
«Гэтая праца накіравана не толькі на памяншэнне ўплыву расейскай прапаганды, ідэалогіі на свядомасць нашых грамадзянаў, але і на стымуляванне вытворчасці ўласнага кантэнту», — патлумачыў забароны Піліп Ілленка.
За апошні год Украіна ў агульнай складанасці забараніла паказ 376 расійскіх фільмаў і серыялаў.
0
0
0
0
0
0
