Старшыня СБУ Васіль Грыцак заявіў, што праваахоўнікі расследуюць справу аб шматмільённых крадзяжах у сетцы супермаркетаў Рыната Ахметава.
Пра гэта ён сказаў на сумесным з ГПУ брыфінгу ў панядзелак.
«Я хачу прыцягнуць вашу ўвагу да факту, які чамусьці застаўся па-за полем зроку, 30 кастрычніка бягучага года ў горадзе Днепрапятроўску, то бок, за дзень да правядзення шырокамаштабнай аперацыі, быў праведзены шэраг следча-аператыўных дзеянняў, ператрусаў. У прыватнасці, адносна структуры, якая з бюджэту скрала 26,7 мільёна грыўняў, а таксама мінімізавала падаткаў на прыблізна 500 мільёнаў грыўняў», — заявіў Грыцак.
«Нядрэнная сума, калі ўлічыць, што гаворка ідзе пра сетку вядомых супермаркетаў пад назвай «Бруснічка». З кім яна афіляваная, думаю, вам будзе нескладана разабрацца», — дадаў кіраўнік СБУ.
Сетку супермаркетаў «Бруснічка» звязваюць з данецкім алігархам Рынатам Ахметавым. Раней яна працавала і на акупаваных тэрыторыях.
