На грамадскае абмеркаванне вынесены праект забудовы раёна былой вёскі Вяснінка, дзе за апошнія гады паўстаў квартал катэджаў палітычнай эліты («Дразды-2»).
фота Сяргея Гудзіліна
Паводле ранейшага плана, прадугледжвалася будаўніцтва каля 45 сядзібаў, а таксама некалькіх сацыяльных аб’ектаў – Палац мастацкай гімнастыкі, дзіцячы садок і школа. Таксама вялікі ўчастак выдзяляўся ў карыстанне Расіі.
Якія прапановы выносяцца на грамадскае абмеркаванне?
Паміж «Драздамі-2» і праспектам Пераможцаў спраектаваны квартал з сямі шматкватэрных дамоў, у кожным па 4—5 паверхаў. У свой час падобныя элітныя жылыя будынкі паўсталі і з краю «Драздоў-1».
Апроч таго, агромністы ўчастак (каля 4 гектараў) прапануецца аддаць кампаніі «Інтэрсервіс», падкантрольнай сенатару Аляксандру Шакуціну. Мяркуецца, што на гэтай пляцоўцы пабудуюць гатэль, бізнэс-цэнтр і тэнісны цэнтр.
Што да катэджаў палітычнай эліты, то пад гэтыя мэты можа быць выдзелена месца яшчэ для аднаго чыноўніка.
Грамадскае абмеркаванне праекта будзе праходзіць з 23 лістапада па 18 снежня. Прэзентацыя адбудзецца 25 лістапада ў 18:00 у будынку адміністрацыі Цэнтральнага раёна Мінска. З матэрыяламі праекта можна азнаёміцца ў раённай адміністрацыі з 23 лістапада па 8 снежня.
Чытайце таксама: