«Дзіўную рэч ўбачыў у твітары. Я і раней падазраваў, што «Шарлі Эбдо» даўно стаў расійскім нацыянальным СМІ, а не французскім.
Вядома, пасля расстрэлу журналістаў яны набылі сусветную вядомасць, але заходзіць туды рэгулярна і глядзець гэтыя пякельныя карцінкі (вось тут сапраўды дарэчы сказаць «я лепш намалюю»), званыя карыкатурамі, хто будзе?» — піша расійскі апазіцыйны палітык Аляксей Навальны ў сваім блогу.
«На першым месцы, з вялізным адрывам, па колькасці наведвальнікаў — Расія. З Францыі ў 2,5 разы менш.
І цэлы ж двіжняк тут: у зомба-скрыні асуджаюць Шарлі Эбдо, Кадыраў піша пра Шарлі Эбдо, дэпутаты заяўляюць пра Шарлі Эбдо, ненармальная сенатарка з авіяносцам на галаве «малюе» карцінку ў адказ Шарлі Эбдо. Проста «вайна цывілізацый» выводзіцца з «Шарлі Эбдо», прычым не абстрактнага часопіса як знака свабоды слова, а канкрэтнай рэдакцыі, якая стаіць на пярэднім краі «атакі на Расію».
Гэта азначае проста жалезны факт: Шарлі Эбдо не цікавіць нікога ў свеце, амаль нікога ў Францыі, і толькі расійскія чыноўнікі днямі і начамі націскаюць на кнопку «абнавіць», у надзеі, што Расію зноў пакрыўдзілі і ёсць матэрыялы для заявы МЗС.
Я не здзіўлюся, калі Расія праз падстаўную кантору нейкага «Газпрома» фінансуе гэты «Шарлі Эбдо», каб ён Божа барані не закрыўся і не перастаў маляваць нешта, чаму можна на ток-шоў «Першага канала» абурацца.
Дзіўна, хто б мог падумаць, што ў 21 стагоддзі, у інфармацыйную эпоху можна так элементарна маніпуляваць грамадска-палітычнай думкай у велізарнай краіне, якая прэтэндуе на глабальнае лідарства.
А яшчэ дзіўна, наколькі цяперашні ўладны рэжым не жадае вырашаць рэальныя праблемы Расіі, што яны настолькі вартыя жалю нагоды раздзімаюць да нябёсаў, абы перавесці ўсё ў «міжнародны парадак». Прычына зразумелая: ЖКГ і дрэнныя дарогі — яны страшней за любы ІДзІЛ».
