Прэзідэнт Турцыі Рэджэп Таіп Эрдаган паведаміў у інтэрв'ю французскаму тэлебачанню, што не змог датэлефанавацца да Уладзіміра Пуціна ў аўторак, пасля інцыдэнту з самалётам Су-24.
Па словах Эрдагана, турэцкія ваенныя дзейнічалі б па-іншаму, калі б напэўна ведалі, што гэты самалёт расейскі.
«Калі б мы ведалі, што гэта расійскі самалёт, імаверна, мы б папярэдзілі яго па-іншаму», — заявіў прэзідэнт Турцыі ў эфіры тэлеканала France 24.
Раней Уладзімір Пуцін выказаў абурэнне тым, што турэцкі бок да гэтага часу не прынес выбачэнняў за збіты самалёт.
У адказ Эрдаган заявіў, што Турцыя не будзе прасіць прабачэння за збіты расійскі бамбавік Су-24, паколькі, са слоў турэцкага лідара, прасіць прабачэння павінен той, хто парушыў паветраную прастору краіны.
0
0
0
0
0
0
