Удзельнікі серыі тэрарыстычных нападаў у Парыжы ў ноч на 14 лістапада купілі зброю па інтэрнэце ў Германіі, сцвярджае нямецкі таблоід Bild.
leparisien.fr
Грунтуючыся на дадзеных расследавання ў Германіі, газета піша, што за тыдзень да нападаў тэрарысты замовілі чатыры аўтаматы ў 34-гадовага прадаўца па імі Саша В. з федэральнай зямлі Бадэн-Вюртэмберг.
Па дадзеных Bild, гаворка ідзе пра дзве копіі аўтамата Калашнікава кітайскай вытворчасці і два аўтамата Застава М70 югаслаўскай вытворчасці, якія таксама з'яўляюцца клонамі АКМ.
Менавіта з гэтай зброі нібыта вялася стральба па людзях на вуліцах у Парыжы і ў канцэртнай зале Bataclan.
Саша В. быў затрыманы на мінулым тыдні; пры вобшуку былі канфіскаваныя 16 адзінак зброі. Мяркуецца, што ён прадаваў самастойна мадыфікаваныя аўтаматы праз сетку абароненых злучэнняў «даркнет».
