У сераду, у 13:30, рэктар БДУ Сяргей Абламейка правядзе сустрэчу са студэнтамі, паведамляе сайт універсітэта.
На сустрэчы, якая пройдзе ў аўдыторыі 433 галоўнага корпуса «плануецца абмеркаваць актуальныя пытанні студэнцкага жыцця», адзначаецца ў паведамленні. Трапіць на тэрыторыю БДУ змогуць толькі студэнты, у якіх ёсць студэнцкі білет ці службовыя пасведчанні супрацоўнікаў БДУ.
Раней паведамлялася, што на сераду, у 13:50, плануецца «Марш студэнтаў», які ладзіць супольнасць #студэнтысупраць. Студэнты планавалі пратэставаць супраць увядзення платы за пераздачу залікаў і іспытаў.
Фота sbmt.bsu.by
0
0
0
0
0
0