Кітайскія інжынеры з Нанькайскага ўніверсітэта разам з кампаніяй Great Wall распрацавалі аўтамабіль, якім можна кіраваць сілай думкі. Пра гэта паведамляе TechInsider.
На стварэнне транспартнага сродку ў распрацоўнікаў пайшло два гады. Пакуль машына можа выконваць толькі некаторыя функцыі. Кіроўца пры дапамозе імпульсаў галаўнога мозгу можа прымусіць аўто перамяшчацца наперад і назад, прытармажваць і спыняцца, а таксама блакаваць і разблакаваць дзверы.
Інжынеры стваралі такі аўтамабіль, каб за руль маглі сесці людзі, якія не мелі раней такой магчымасці, а менавіта інваліды.
Адмысловая прылада ў аўтамабілі счытвае мазгавыя імпульсы кіроўцы і перадае іх транспартнаму сродку. У гэтай прыладзе ёсць 16 датчыкаў, якія фіксуюць і расшыфроўваюць электраэнцэфалаграму чалавека за рулём.
Асабліва падкрэсліваецца, што кіроўцу трэба захоўваць максімальную разумовую канцэнтрацыю, каб выконваць складаныя манеўры на дарозе.