Упраўленне Следчага камітэта па Мінскай вобласці скончыла расследаванне крымінальнай справы аб смяротным наездзе на веласіпедыстку, якое здзейсніў у Нясвіжскім раёне нецвярозы таксіст.
Следствам устаноўлена, што каля шасці гадзін раніцы 17 жніўня 2015 года 32-гадовы індывідуальны прадпрымальнік за стырном «Кія Рыа» ехаў нападпітку па дарозе «Нясвіж-Клецк» з перавышэннем хуткасці.
Насустрач яму па абочыне ехала веласіпедыстка. Кіроўца не даў рады кіраванню і наехаў на ровар. Ад атрыманых траўмаў 49-гадовая жанчына памерла на месцы здарэння.
Таксіст паклаў цела загінулай у салон свайго аўто і ўцёк з месца аварыі. Машыну з трупам ён кінуў на кукурузным полі ў Стаўбцоўскім раёне. А пасля напісаў у міліцыю заяву аб згоне яго аўто.
Пасля некалькіх дзясяткаў экспертыз следчыя вырашылі, што наехаў на веласіпедыстку ўсё ж таксіст. Апроч таго, на камеры фотафіксацыі, устаноўленай на трасе «Нясвіж-Клецк», відаць «Кія Рыа» з атрыманымі пры аварыі пашкоджаннямі.
Таксісту прад'яўлена абвінавачванне за кіраванне аўто ў стане ап'янення, што пацягнула па неасцярожнасці смерць чалавека, а таксама заведама ілжывы данос аб здзяйсненні злачынства.
Цяпер чытаюць
Арыштаваны дырэктар Палаца Рэспублікі, адзін з арганізатараў Марафона адзінства10
Каментары