Калегія Еўразійскай эканамічнай камісіі 22 снежня ўхваліла праект Канцэпцыі фарміравання агульнага рынку газу Еўразійскага эканамічнага саюза (ЕАЭС), куды цяпер уваходзяць Арменія, Беларусь, Казахстан, Кіргізія і Расія.
Фото locman.kz
Як паведаміла прэс-служба ЕЭК, згодна з дагаворам аб ЕАЭС у мэтах фарміравання агульнага рынку газу саюза прадугледжваецца распрацоўка і зацвярджэнне да 1 студзеня 2016 года адпаведнай канцэпцыі, а да 1 студзеня 2018 года — праграмы.
Мерапрыемствы праграмы павінны быць выкананы да 1 студзеня 2024 года.
Затым краіны саюза заключаць міжнародны дагавор аб фарміраванні агульнага рынку газу ЕАЭС і забяспечаць яго ўваходжанне ў сілу не пазней за 1 студзеня 2025 года.
Фарміраванне агульнага рынку газу саюза будзе ажыццяўляцца ў тры этапы.
Трэці этап (не пазней за 1 студзеня 2025 г.) прадугледжвае забеспячэнне свабодных паставак газу, набытага па прамых дагаворах або на біржы; падтрыманне рынкавых коштаў, якія забяспечваюць камерцыйную рэнтабельнасць продажу газу на агульным рынку газу саюза, гаворыцца ў паведамленні.