«Калі жанчына кажа «не» — гэта значыць «можа быць».
Калі жанчына кажа «можа быць» — гэта значыць «так».
Калі жанчына кажа «так» — гэта не жанчына», — сказаў нейкі жартаўнік.
Прыходжу сёння ў падатковую інспекцыю ў Докшыцах. Кажу, хачу заплаціць падатак за тое, што яшчэ не памёр. Ці, юрыдычна, збор на фінансаванне дзяржаўных расходаў. Пакуль базавая велічыня не вырасла.
— Мы не знаем… Никто ещё не платил… Начальника нет, она на собрании в Витебске. Может, сможете прийти в другой раз?
— Не, — кажу, — я хворы і мне цяжка ў Докшыцы ездзіць. — Давайце сёння.
— Вы сегодня ещё будете в Докшицах? Оставьте свой телефон, мы постараемся узнать и перезвоним вам после обеда.
— Дык дакумент аб датэрміновай выплаце збору быў прыняты і напэўна быў Вам дасланы. Некаторыя людзі ўжо заплацілі…
— Ладно, я сейчас спрошу.
Хвілін за дзесяць супрацоўніца знайшла бланкі патрэбных дакументаў, яшчэ за пятнаццаць усё аформілі і я атрымаў нумар банкаўскага рахунку і код плацяжу.
— Другое пытанне, — кажу, — хачу зарэгістравацца як рамеснік. — Буду кошыкі з лазы плесці.
— Мы не знаем. Работник, за это ответственный, в Витебске на совещании. Законодательство о ремесленной деятельности сейчас меняется, мы не знаем, как и что. Вот сегодня на семинаре об этом будут говорить, тогда будем знать… Может, позже подойдёте?
— Слухайце, — кажу, — закон, які рэгулюе рамесніцкую дзейнасць, не першы дзень існуе. І нават не першы год. Зарэгіструйце. Збор мне трэба заплаціць да 28 снежня, часу ўжо няма…
Жанчынка саступіла зноў. Пайшла параілася з калегамі, знайшла ўзор заявы. У камп’ютаровай базе знайшлі і пералік відаў рамеснай дзейнасці, прадугледжанай законам. Тут я перадумаў плесці кошыкі і вырашыў, што наступны год буду вязаць венікі. Пра што і напісаў у заяве.
Урэшце, ладжанне справаў з падатковай інспекцыяй, разам з паходам у банк, аплатай і адданнем квітанцый, заняло ў мяне менш як дзве гадзіны. Магло б заняць і некалькі дзён, калі б не ўгаворваў.
Калі кіравацца катэгорыямі аўтара вышэй цытаванага анекдота, то супрацоўніцы докшыцкай падатковай — сапраўдныя жанчыны.
