У Мінску сярэдняя зарплата па вакансіях, якую наймальнікі прапануюць рабочым, — Br4,4 млн, служачым - Br5 млн.
Аб гэтым паведаміла старшыня камітэта па працы, занятасцi i сацыяльнай абароне Мінгарвыканкама Жанна Рамановіч сёння ў час анлайн-канферэнцыі на сайце БелТА.
Ж.Рамановіч адзначыла таксама, што ў базе даных службы занятасці насельніцтва можна знайсці прапановы з заробкам Br20-25 млн. Такую суму гатовыя плаціць IT-спецыялістам, кіраўнікам, галоўным бухгалтарам. Больш за Br10 млн могуць зарабляць кваліфікаваныя спецыялісты рабочых прафесій: токары, шліфоўшчыкі, электразваршчыкі, фрэзероўшчыкі, асфальтабетоншчыкі і інш.
«Беспрацоўныя настроеныя на пошук больш высокааплатнай працы, чым сярэдняя аплата па вакансіях. У той жа час ўзровень кваліфікацыі і досвед працы беспрацоўных грамадзян не заўсёды адпавядаюць патрабаванням наймальніка», — канстатавала старшыня камітэта.
