Інваліды-вазочнікі на некалькі хвілін перакрылі праспект Пераможцаў у Мінску ФОТАФАКТ
Інваліды-вазочнікі, а таксама студэнты тэатральнай лабараторыі «Форцінбрас» пры Беларускім Свабодным тэатры, правялі адзін з перформансаў у межах кампаніі па падтрымцы людзей з абмежаванымі магчымасцямі ў Мінску. У чацвер 24 снежня яны на некалькі хвілін спынілі рух транспарту на праспекце Пераможцаў у Мінску.
Гэтым перформансам быў распачаты цыкл грамадскіх акцый і інсталяцый, які будуць праходзіць у розных кропках Мінска 24 і 25 снежня.
Праз некалькі хвілін, пасля пачатку перформанса, з'явіўся нарад ДАІ, які перапісаў звесткі некаторых удзельнікаў акцыі.
У мэтах падтрымкі людзей з абмежаванымі магчымасцямі адна з люксовых крамаў у гандлёвым цэнтры «Замак» пасадзіла свае манекены на інвалідныя вазкі.
Мэты сваіх перформансаў і акцый удзельнікі Беларускага Свабоднага тэатра тлумачаць так:
«Мы, студэнты «Форцінбраса», верым, што мы ўсе розныя, але ўсе мы маем права на даступную прастору вакол нас. Мы не манекены. Чаму людзі з дадатковымі патрэбамі не могуць быць актыўнымі ўдзельнікамі ў грамадскім і культурным жыцці горада? Хіба святы — не для ўсіх?
На вуліцах нашага горада рэдка сустрэнеш чалавека ў інвалідным вазку. Замежнікі, якія наведваюць сталіцу, нярэдка кажуць пра машыну часу — сапраўды, часам здаецца, што мы знаходзімся ў пасляваенным Савецкім Саюзе, калі людзей, якія сталі інвалідамі ў выніку Другой сусветнай вайны, вывозілі за межы сталіцы, ствараючы стэрыльную прастору з «правільнымі» людзьмі.
Амаль татальная недаступнасць, небяспека перамяшчэння, грамадскія стэрэатыпы, бяздзейнасць уладаў — вось што сапраўды «абмяжоўвае магчымасці». Людзі з абмежаванымі фізічнымі магчымасцямі — амаль цалкам ізаляваная частка грамадства», — заяўляюць арганізатары грамадскіх перформансаў.
-
Кароўнік, свінарнік, гандаль крыптой. Як беларускія IT-спецыялісты прафесійна дэградуюць падчас заняволення «за палітыку»
-
Маладая акцёрка Коласаўскага тэатра зачапіла людзей сваім выказваннем пра беларускую мову
-
«Узяў наган 1917 года». Польшча развярнула 3D-мастака на мяжы з-за хобі і забараніла ўезд на 5 гадоў. Дома таксама праблемы
Цяпер чытаюць
Стаяць на адной назе з кнігай на галаве ў памяць пра блакаду Ленінграда. Чыноўнікі запусцілі вельмі дзіўны чэлендж да 9 Мая28
Каментары