Расія пагадзілася знізіць Украіне цану на газ, нажніцы з Беларуссю змяншаюцца
Расія пайшла на самыя значныя саступкі Украіне ад 2004 года.
Прэм'ер-міністр Расіі Дзмітрый Мядзведзеў падпісаў пастанову аб памеры пошліны пры пастаўках газу ва Ўкраіну на першы квартал 2016 года, гаворыцца на афіцыйным сайце прававой інфармацыі.
Згодна з пастановай, пры раней абвешчанай інфармацыі, што кантрактная цана на першы квартал складзе $230 за тыс. кубаметраў. Інфармацыйнае агенцтва «Інтэрфакс» спачатку паведаміла, што памер скідкі да кантрактнай цаны складзе $51,2 за тыс. кубаметраў. Адпаведна, прапанаваная цана — каля $178,7 за тыс. кубаметраў.
Пасля яно змяніла лічбу на $212 пасля скідкі.
Раней, міністр энергетыкі і вугальнай прамысловасці Украіны Уладзімір Дзямчышын казаў, што Украіна гатовая закупляць газ у РФ у першым квартале 2016 толькі пры зніжэнні цаны да ўзроўню меншага за $200 за 1 тыс. куб.м.
Акрамя таго, Украіна заявіла пра павелічэнне тарыфаў за транзіт у пяць разоў. Пакуль няясна, ці адмовіцца Кіеў ад такога кроку ўзамен за рэзкае зніжэнне цаны газу.
У 2014 і 2015 гадах Украіна імкнулася не абвастраць адносін з Расіяй, якія пагражалі перарасці з лакальнай барацьбы за Данбас у поўнамаштабную вайну. Цяпер Кіеў намагаецца адэкватна рэагаваць на кожны крок Масквы.
Прапанаваныя Масквой скідкі — найбольшыя ад 2004 года. Для параўнання, Беларусь мае закупляць газ прыкладна па 140 даляраў, прытым што яна аддала «Газпрому» «Белтрансгаз». Нажніцы цаны між Беларуссю і Украінай, такім чынам, змяншаюцца. Раней тыповая розніца складала 100 даляраў, а ў гады, калі Расія эканамічна душыла Украіну, рыхтуючы анексію Крыма і спробу анексіі так званай «Наваросіі», яна даходзіла да 200 даляраў.
Змяншэнне нажніц прывядзе да падзення канкурэнтаздольнасці беларускіх тавараў адносна ўкраінскіх і змяншэння розніцы ў заробках у дзвюх краінах.
Украіне ўдалося дабіцца зніжак на газ найперш дзякуючы паспяховай пабудове газаправодаў для рэверсных паставак газу з Еўропы. Улады Аляксандра Лукашэнкі такіх інвестыцый не ажыццяўлялі. Яны рабілі стаўку на дасягненне мінімальных цэн на нафту і газ узамен за васальнае вайскова-палітычнае падпарадкаванне Маскве.
На гэты момант форвардныя кантракты на першы квартал на еўрапейскіх хабах таргуюцца на ўзроўні $170 за 1 тыс. кубаметраў.
Цяпер чытаюць
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1111
Каментары