 |
Праграмы «Беларусь‑ТБ» з 28 сакавіка даступныя гледачам ЗША, Канады, Мэксыкі, Кубы, Дамініканскай Рэспублікі, Пуэрта‑Рыка і Гватэмалы. Беларускі тэлеканал выходзіць на плятформе WorldTV’s у пакеце, які ўключае канал «РТР‑планета», украінскі канал «1+1 International», Грамадзкае тэлебачаньне Армэніі, рускамоўнае тэлебачаньне «Ізраіль+», Азэрбайджанскае тэлебачаньне. Тэлеканалы рэтрансьліруюцца з дапамогай спадарожніка Galaxy 25.
Дагэтуль «Беларусь‑ТБ» ужо рэтрансьліраваўся з дапамогай спадарожніка «Экспрэс‑АМ22», які забясьпечвае сувязь і вяшчаньне на тэрыторыі 48 краін свету. Патэнцыяльная аўдыторыя гледачоў складала 110 млн. чалавек.
Праграмную сетку «Беларусь‑ТБ» складаюць праграмы Першага каналу (БТ), «ЛАДу» і ўласныя перадачы тэлеканалу «Беларусь‑ТБ».
