Прадстаўнікі службы бяспекі ў Багдадзе паведамляюць, што 17 чалавек загінулі ў выніку нападу ў адным з гандлёвых цэнтраў іракскай сталіцы.
Атака пачалася з выбуху бомбы за межамі гандлёвага комплексу. Затым узброеныя людзі адкрылі страляніну, уварваліся ўнутр і захапілі некалькі чалавек у закладнікі.
Супрацоўнікі сіл бяспекі ачапілі гандлёвы цэнтр, а затым пайшлі на штурм будынка. Двое з нападнікаў узарвалі паясы смяротнікаў, у выніку чаго загінулі некалькі закладнікаў. Яшчэ двое нападнікаў забітыя ў перастрэлцы, чацвёра арыштаваныя.
Па словах прадстаўнікоў іракскіх улад, цяпер сітуацыя знаходзіцца пад кантролем.