Пытанні запазычанасці па выплаце заробкаў пераважалі сёння на прамой лініі намесніка старшыні Віцебскага аблвыканкама Уладзіміра Белавусава, перадае БЕЛТА.
Работнік фермы ў Докшыцкім раёне распавёў, што жыве без зарплаты ўжо з кастрычніка. Акрамя таго, ён абураўся, што на ферме няма элементарных умоў ні для работнікаў, ні для жывёл.
Жыхарка Оршы таксама скардзілася, што фірма па зборы малака ад насельніцтва не выплачвае ёй зарплату, спасылаючыся на тое, што малаказавод не плаціць грошай за прынятую прадукцыю.
Маладая мама з Пастаўскага раёна распавяла, што завод не выплаціў дзіцячую дапамогу, прычым не ёй адной.
Жыхарка Мёрскага раёна працуе на ферме, выхоўвае траіх дзяцей і з кастрычніка не атрымлівае зарплату.
Усе пытанні ўзятыя на кантроль, паведамляе БелТА.
Паветраная гімнастка паказала закуліссе працы ў Белдзяржцырку7
Каментары