Пра гэта заявіў сёння Аляксандр Лукашэнка, прымаючы даверчыя граматы паслоў замежных дзяржаў.
«У нашай краіны рэпутацыя актыўнага змагара захавання стабільнасці і бяспекі ў свеце», - адзначыў кіраўнік беларускай дзяржавы.
«Пагатоў, што і ў Еўрасаюзе, і ў Злучаных Штатах Амерыкі разгледзелі нашу міралюбівую палітыку, пільна вывучылі яе і зрабілі выснову, што з Беларуссю трэба не проста супрацоўнічаць, а выкарыстоўваць Беларусь так, каб у нашым рэгіёне быў мір і парадак. Мы ў гэтым напрамку гатовы працаваць «, — падкрэсліў Аляксандр Лукашэнка.
Звяртаючыся да паслоў, кіраўнік дзяржавы адзначыў, што для плённага выканання іх дыпламатычнай місіі ў Беларусі будуць створаны самыя спрыяльныя ўмовы. «Вельмі важна, каб падчас свайго знаходжання тут вы змаглі знайсці новыя магчымасці, магчыма, новыя фарматы ўзаемавыгаднага супрацоўніцтва і прыўнесці канструктыўныя ідэі ў нашу сумесную працу», - сказаў беларускі лідар.
«Перакананы, што наш дыялог з дзяржавамі, якія вы прадстаўляеце, будзе пастаянна развівацца на аснове ўзаемаразумення, партнёрства і сяброўства», - падкрэсліў Аляксандр Лукашэнка.
Ён звярнуў увагу, што гэты год у Беларусі аб'яўлены Годам культуры, і гэтая сфера на працягу дванаццаці месяцаў будзе насычана разнастайнымі мерапрыемствамі. Кіраўнік краіны выказаў надзею, што дыпламаты знойдуць магчымасць бліжэй пазнаёміцца з Беларуссю, яе прыродай, кліматам, культурнай спадчынай, гісторыяй
Каментары