Пра гэта паведаміла намеснік генеральнага дырэктара Мінскай гарадской жыллёвай гаспадаркі Галіна Гілевіч.
«У адпаведнасці з указам №535, паслугі па ўборцы месцаў агульнага карыстання жыхары шматкватэрных дамоў будуць аплачваць ў 100-працэнтным памеры. Да аплаты будзе выстаўляцца сума толькі за фактычна аказаную паслугу», — сказала Галіна Гілевіч.
Яна патлумачыла, што графікі з указаннем дат уборкі павінны размяшчацца ў пад'ездах кожны месяц. З боку ЖЭС за выкананнем плана сочыць майстар або брыгадзір. Правяраючы павінен быць абраны і сярод жыхароў. Менавіта ён прымае працу і распісваецца ў графіку пасля правядзення уборкі. У тых выпадках, калі яна не выконвалася, упаўнаважаны проста не ставіць подпіс. Адпаведна, налічэнні за неаказаныя паслугі не робяцца, што адаб'ецца ў выніковай суме ў жыроўцы.
Дарэчы, паколькі ў студзені усе сілы жыллёвых арганізацый былі кінутыя на расчыстку дваровых тэрыторый ад снегу, уборка пад'ездаў у некаторых дамах праводзілася радзей, чым вызначана па графіку. Гэта таксама адаб'ецца ў жыроўках.
Згодна з новымі правіламі, прыбіраць пад'езд, па жаданні спажыўцоў, можа як ЖЭС, так і іншая арганізацыя. Каб змяніць пастаўшчыка паслугі, жыхарам дастаткова звярнуцца ў ЖРЭА раёна. Ёсць і альтэрнатыўны варыянт — прыбіраць пад'езд самастойна. Для гэтага трэба згода ўсіх жыхароў пад'езда і зацвярджэнне графіка дзяжурстваў. У любым выпадку мінімальная перыядычнасць уборкі вызначаецца патрабаваннямі санітарных нормаў і правілаў, а яе грунтоўнасць — пажаданнямі і фінансавымі магчымасцямі спажыўцоў.
