Каля 100 чалавек эвакуявалі сёння днём з будынка аўтавакзала ў Гомелі з-за падазронага пакета, паведамілі ў прэс-службе УУС Гомельскага аблвыканкама.
На чорны поліэтыленавы пакет, які ляжаў на адным з сядзенняў у зале чакання, звярнуў увагу патруль міліцыі. Яго гаспадара сярод пасажыраў не было. Супрацоўнікі міліцыі аператыўна эвакуявалі людзей, ачапілі будынак і выклікалі сапёрную групу в/ч 5525 унутраных войскаў МУС. Прыбыўшы на месца, сапёры знайшлі ў падазроным пакеце толькі мужчынскую вопратку. Ніякіх выбухованебяспечных рэчываў у ім не было.
«Спрацавалі аператыўна. Праз непрацяглы час аўтавакзал вярнуўся да звыклага рытму працы. А вось гаспадар падазронага пакета па рэчы так і не вярнуўся», — дадалі ў прэс-службе УУС.
0
0
0
0
0
0
