Сібер выколвае вочы,
Рве на шматкі штаны,
Порткі ж мяняць не хочам
— Абы не было вайны…
Cцюжа пякельная вые,
Здані ўзнікаюць адны.
Неяк рыззё перамыем.
— Абы не было вайны…
Сёрбаюць прагна з карыта,
Граем гудуць груганы.
Ды мы не бачым нібыта
— Абы не было вайны…
Горкую праўду каўтаем,
Цешымся скрозь ад маны,
Згодна на ўсё ківаем…
Абы не было вайны…
Каркаюць спрэс груганы,
Душымся ўсе ад маны,
Носім да дзірак штаны
— Абы не было вайны…
0
0
0
0
0
0
