Кітайскі футбольны клуб «Гуанчжоу Эвергранд» набыў калумбійскага форварда Джэксана Марцінеса за рэкордную для краіны суму трансферу ў 46 млн даляраў.
Прадстаўнікі клуба заяўляюць, што Марцінес быў набыты ў рамках палітыкі па прыцягненні ў каманду найлепшых сусветных футбалістаў.
29-гадовы калумбіец ўсяго паўгода таму пачаў гуляць за іспанскі клуб «Атлетыка Мадрыд», які набыў яго ў партугальскага «Порту» за 35 млн еўра.
Кітайская Суперліга выдаткавала больш за 200 млн даляраў на куплю гульцоў у ходзе апошняга трансфернага акна.
Лідар КНР Сі Цзіньпінь раней заяўляў, што правядзенне Чэмпіянату свету па футболе і перамога ў ім з'яўляюцца мэтамі Кітая.
Пасля заяваў кіраўніка дзяржавы многія кітайскія прадпрымальнікі пачалі актыўна інвеставаць сродкі ў развіццё футбола.
Клуб «Гуанчжоу Эвергранд» з'яўляецца двухразовым пераможцам Лігі Чэмпіёнаў Азіяцкай канфедэрацыі футбола і пяціразовым чэмпіёнам Кітая.
