Моцны вецер, пра які сіноптыкі папярэджвалі ў аўторак, сыграў злы жарт з зацятым рыбаком з Маладзечна Віктарам Лукашэвічам.
– Рыбачыў я на Вілейскім вадасховішчы, калі раптам падзьмуў моцны вецер, – расказвае рыбак.
Рыбачыў Віктар ля месца Чыжэвічы. А парыў ветра аднёс яго разам з палаткай, акулярамі, рыбацкімі снасцямі і тэрмасам аж да Касуцкага моста.
– Гнала мяне па лёдзе недзе кіламетр. Проста каціўся па лёдзе, не было за што зачапіцца. Толькі праз кіламетр, калі на лёдзе з’явіўся сняжок, я змог легчы і ўтрымацца ад ветру.
А вось палатку і ўсю маёмасць вецер пагнаў да лесу.
– А самае крыўднае, што ўжо налавіў кілаграмы тры рыбы, якая таксама пераўтварылася ў «лятучую». Паляцела разам з палаткай.
Віктар Уладзіміравіч вельмі просіць таго, хто бачыў палатку-падарожніцу, вярнуць яе гаспадару.
Калі вы знайшлі палатку, ці тэрмас, ці акуляры паблізу Вілейскага вадасховішча — паведамце ў рэдакцыю «Рэгіянальнай газеты». З гаспадара ў знак падзякі — вялікая рыбіна.
Цяпер чытаюць
«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4
Каментары