Маладафронтаўцы вывесілі сцяг на вуліцы Пятроўскага, што ў цэнтры горада, аккурат на галоўнай плошчы.
— Паабапал плошчы, — кажа адзін з удзельнікаў акцыі, — знаходзяцца райвыканкам горада, Дом культуры, некалькі банкаў, а праз вуліцу — чыгуначны вакзал з пастарункам міліцыі. Менавіта з таго боку праз хвілін 20 прыехалі па сцяг.
4 лютага маладафронтаўцы распачалі бел-чырвона-белы марафон «Люблю Беларусь». Акцыя па вывешванні нацыянальных сцягоў на галоўных плошчах гарадоў будзе цягнуцца дзесяць дзён, а завершыцца ў Менску віншаваннем выбітных дзеячоў культуры.
Раней бел-чырвона-белыя сцягі з'явіліся ў Бабруйску і Маладзечне.
0
0
0
0
0
0
